هشام الجخ-قصيدة:انا اخوان

هشام الجخ-قصيدة:أنا إخوان


انا اخوان وكل  المسلمين اخوان
فما تصنفش اسلامي علي كيفك
حقيقتي اقوي من زيفك
وصباعي لواحدة بكفوفك
ولاتهزش قصاد خوفك
ياخوف يا جبان انا اخوان
بطيع الله فملكوتة
وبدعي يزيدني من فضلة ومن قوتة
واصلي واصوم
وجاهد نفسي واصبر ع البلا واحمد وحمدي يدوم
لانه الرازق الوهاب وهو مسببب الاسباب
ف ليه الفضل والمنة ولية الطاعة
فما تبصش لديني نظرة طماعة
انا ديني لا هو سلعة ولا بضاعة
ولا لية سوق
لا انا بايع ولا شاري
ايماني هو راسمالي
فاصحي وفوق
مانيش اخوان علي نهجك
فلم من الدروب همجك
كفاية شقوق
مش انته لوحدك الاخوان
انا اخوان بحق الله وبالسنة وبالقران
وقت الجد انا عثمان
ووقت الحرب انا حمزة
ووقت الفصل ببقي فاروق
انا اخوان علي الرحمة وع التقوي وحب الناس
لكن عمري ما هتأخون بأخونتك علي الصندوق
عينيكم فيها كل النور ومش شايفة
غباوة انك تهدد ناس ماهيش خايفة
بتهدد فى مين يا حزين
دة انا الاها اللي طلقوني
وجيعة وسارحة فى الشارع
ومش ممكن هتخفوني
هتسمعني وغصب عن عنيك الجوز علي دماغك هترفعني
انا الناس اللي عاشت تحت خط الفقر
وانا الناس اللي ماتت .ملتقتش القبر
فسيبك ماللي بيجاملك واللي بيهيص
وركزلي واسمع كلمتي كويس
انا الثورة اللي عملة منك الريس
انا اللي يادوب من سنتين
كنا بنتحبس صحبة
وكنا بنتجلد صحبة
وكنا فى الميدان صحبة
بتبعد لية وتكتب ع الطريق غربة
بتمش فالطريق الصعب وحدك ليه مهملنى

ما لو صعبة عليك الشيلة حملني
تلاقيني معارضك اة لكني وراك
بقدف فى السفينة معاك
اكون ودنك اكون عينك
اكون جوة فى درى عينك
نبني بلدنا لهوانا
مش لهواك
وخيرنا يبقي جوانا مش جواك
مش انته تخدلي فى القرارات وانا امسح بايدي خ....
ماتتلككش بالناس اللي بيعارضوك
ماتتشتش ماتتسوحش
بلدنا عايزة ريس وحش
يسمع ناقده بودانه
مايتكبرش
يكون جبار علي الظالمين
رحيم بينا ينام بينا
ويقوم بينا
يمشي يبص فى الشارع علي الجعانين
ويفهم ان فى الشارع شباب ثايرين
ملحقوش يبقوا كارهينك
ف ما تزودش نار الكره فى قلوبهم
شباب شايف فلوس بلدة مش بتخش فى جيوبهم
ما تخدعناش ببقين من بتوع حسني يا مولانا
وريلنا وريمنا كلام
وصدي من الغني قفانا
ما تدبحليش حمامة يتيمة علي عينها
وتفنعني انه ديك رومي
ماتلعبش انت فى الميه وتمسح ايدك المبلولة ف هدومي
ومش كل اما توعد وعد تطلع بق
وما تشدش فرامل اليد وتطلب مني انزل ازق
ولما الناس تكون ثايرة ومختلفة ما تخطبليش ف اتباعك
ولما تكون مع وزيرة ما تلعبليش فـ بتـ.......
ولا تسمعني ولا اهلي ولا عشيرتي
وخيرنا يبقي لبلدنا قبل ما ابص علي جيرتي
بلدنا احواض من البركة بعمر النيل
بلد دفيانة بالقران وبالانجيل
أنا اخوان . أنا اخوان

---

لتحميل القصيدة بصيغة Mp3
اضغط هنا